Markmið Tryggja er að ráða, efla og halda hæfu og traustu starfsfólki. Lögð er sérstök áhersla á að Tryggja hafi yfir að ráða áhugasömu starfsfólki sem stuðlar að jákvæðri menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga. Þannig tryggjum við aukna starfsánægju starfsfólks. 

Mannauðsstefna Tryggja miðar að því að allar ákvarðanir sem teknar eru, og snúa að sambandi Tryggja og starfsfólki þess, skapi forsendur til að framtíðarsýn fyrirtækisins verði að veruleika.

Tryggja er vátryggingamiðlun sem hefur unnið markvisst að því að vinna að samfélags- og umhverfisábyrgð frá árinu 2015. Fyrirtækið leggur áherslu á að greina reglulega markmið og stefnu og samræma við hugmyndir okkar um samfélagslega ábyrgð. Verkefni sem snerta samfélagsábyrgð eru mikilvæg fyrir fyrirtækið og starfsfólkið okkar og við teljum að það sé samfélaginu til heilla að skilja eftir sig martækt spor í þessum efnum. Alltaf er leitast við að lágmarka notkun auðlinda, hvort sem það er með vinnuferlum, orkunýtingu, meðferð úrgangs, eða annarra auðlinda. Slíkt er til hagsbóta fyrir reksturinn, umhverfið og samfélagið.

Tryggja líður ekki einelti, kynferðislega áreitni og hverskonar ofbeldi.

Markmið stefnunnar er að stuðla að forvörnum og aðgerðum gegn einelti, kynferðislegri áreitni og hverskyns ofbeldi. Þessi áætlun er sett fram til að bregðast við aðstæðum þar sem starfsfólk eða viðskiptavinir telja sig hafa orðið fyrir einelti, kynferðislegri áreitni eða annarskonar ofbeldi.

Tryggja ehf („Fyrirtækið, félagið“) hefur fullan hug á að veita hágæða þjónustu á hverjum tíma , koma til móts við alla

hagsmunaaðila á sanngjarnan, gagnsæjan og meðalhófs hátt. Hins vegar viðurkennir fyrirtækið að kvartanir geti komið upp í

daglegum rekstri. Félagið skal tryggja að allar kvartanir séu rannsakaðar ítarlega og meðhöndlaðar á sanngjarnan, tímanlegan,

skilvirkan og faglegan hátt.