tryggja

Sjúkratrygginga erlendis

Tue, 20 Oct 2026 13:55:31 GMT

Ríkið má ekki skilja veikt fólk eftir án verndar

Október 19, 2026 · @Smári Ríkarðsson

Frá 1. janúar 2027 hætta Sjúkratryggingar Íslands að taka þátt í sjúkrakostnaði þeirra sem veikjast eða slasast utan Evrópska efnahagssvæðisins. Alþingi samþykkti breytinguna 1. júní að tillögu Ölmu D. Möller heilbrigðisráðherra. Hún lætur lítið yfir sér í ríkisreikningi, en fyrir eldra fólk og fólk með langvinna sjúkdóma getur hún ráðið því hvort þau þora að fara út fyrir Evrópu.

Öryggisnetið hverfur

Í meira en tvo áratugi hefur gilt einföld regla: veikist Íslendingur utan Evrópu greiða Sjúkratryggingar kostnaðinn eins og meðferðin hefði farið fram hér heima, og við sérstakar aðstæður hluta af því sem umfram er, mest til lífeyrisþega. Þetta var ekki örlát regla, en hún var gólf sem allir stóðu á.

Nú á að taka gólfið burt. Námsmenn og tilteknir hópar sem starfa erlendis halda réttinum. Hinn almenni ferðamaður á að kaupa sér vátryggingu eða bera kostnaðinn sjálfur.

Vátrygging sem vátryggir ekki

Sem gamall hundur og sérfræðingur í skilmálum og vátryggingum hef ég lesið skilmála íslenskra ferða- og kortavátrygginga. Þar er undanskilinn kostnaður vegna sjúkdóma sem fólk hefur fengið meðferð við síðustu sex mánuði fyrir ferð, og regluleg lyfjataka telst meðferð.

Hugsum okkur mann sem tekur hjartalyf daglega og fer vestur um haf að heimsækja barnabörnin. Þar fær hann hjartaáfal. Ferðavátrygging, eins og sú sem fylgir með kreditkortum sem dæmi, getur hafnað kröfunni með vísan til undanþágunnar, og frá áramótum er opinbera netið horfið. Eftir stendur reikningur sem getur numið tugum milljóna.

Jafnvel sá sem er vátryggður á þessum stað rekst á þak. Kortavátryggingar gilda aðeins í tiltekinn dagafjölda og setja hámark á bætur, oft fáeinar milljónir, sem eiga líka að duga fyrir sjúkraflugi heim. Gjörgæsla í Bandaríkjunum og sjúkraflug fara langt fram úr slíkum mörkum. Það er því ekki nóg að segja fólki að kaupa sér vátryggingu. Fyrst þarf að svara því hvort hún fáist yfirleitt og hvort hún dugi.

Hundrað milljónir

Ráðherra hefur áætlað að breytingin spari ríkissjóði um 100 milljónir króna á ári. Það eru um 250 krónur á hvern íbúa. Enginn finnur fyrir þeim sparnaði. En ein fjölskylda finnur fyrir áhættunni með fullum þunga, og hún getur verið bæði sjúkratryggð á Íslandi og með gilda kortavátryggingu og samt falla utan bótaréttar. Sjúkratrygging er til þess að dreifa einmitt þeirri áhættu sem enginn ber einn. Hér er því snúið við: allir spara smáaura og einn ber tjónið.

Sparnaðurinn er auk þess minni en hann sýnist. Flestir sem veikjast í útlöndum hefðu líka veikst heima, og þá hefði ríkið greitt. Það er sjúklingurinn sem er sjúkratryggður, ekki sjúkrahúsið sem hann lendir á. Þess vegna þarf kostnaðarmat á borðið: hvað reglan kostaði, hverjir nutu hennar og hvaða áhætta flyst nú yfir á einstaklinga.

Hin rökin eru að einhverjir haldi lögheimili hér þótt þeir búi erlendis. Það er misnotkun og á að stöðva hana. En sömu lög veita Sjúkratryggingum nú heimild til að kanna raunverulega búsetu og fella niður rétt. Það þarf ekki að svipta alla vernd til að ná til fárra.

Þýska leiðin

Þýskaland býr við sömu meginreglu og Ísland tekur nú upp: lögbundna sjúkratryggingin greiðir almennt ekki utan Evrópu. En þar er öryggisnet. Geti fólk sannanlega ekki keypt vátryggingu vegna aldurs eða fyrri veikinda greiðir sjúkrasamlagið nauðsynlega bráðameðferð, upp að innlendu verði og innan tímamarka. Markaðurinn tekur við þeirri áhættu sem hann vill, samfélagið grípur þá sem markaðurinn hafnar. Þá leið eigum við að skoða áður en reglurnar taka gildi.

Hvernig fór þetta í gegn?

Frumvarpið var samþykkt með 32 atkvæðum, enginn sagði nei og 21 sat hjá. Þingmenn Viðreisnar studdu það. Það gerir okkur í Öldungaráði Viðreisnar ekki síður skylt að benda á afleiðingarnar. Af 24 umsögnum til velferðarnefndar kom engin frá samtökum eldri borgara og engin frá vátryggingafélögunum sem fólki er nú vísað á. Hvernig á að meta áhrif breytingar án þess að spyrja þá sem hún snertir mest?

það sem þarf að gera sem fyrst:

Í fyrsta lagi birti ráðherra kostnaðarmat og greiningu á því hverjir missa verndina.

Í öðru lagi verði tryggt öryggisnet fyrir þá sem fá ekki vátryggingu vegna aldurs eða heilsufars. Ráðherra framlengdi gömlu regluna fyrir alla til áramóta með reglugerð; sama heimild dugar til að halda henni fyrir þennan hóp.

Í þriðja lagi fái almenningur skýrar upplýsingar um hvað fellur niður og hvað vátryggingar undanskilja. Flóknir skilmálar eru ekki upplýsingar.

Við höfum byggt upp samfélag þar sem aðgangur að heilbrigðisþjónustu á ekki að ráðast af efnahag. Fólk sem hefur unnið og greitt skatta alla ævi á ekki að þurfa að hætta við að heimsækja börnin sín vegna þess að enginn vill vátryggja það. Hundrað milljónir mega ekki verða til þess.

Smári Ríkarðsson

Opnunartími í sumar

Wed, 10 Jun 2026 15:42:15 GMT

Nýtum okkur netið

Kæru viðskiptavinir, við munum hafa opið milli 10 og 14 alla virka daga nema föstudaga í sumar. Póstum verður svarað en reynt verður að halda sig við það að sem flestir starfsmenn geti notið sumarsins.

opnunartímar yfir hátíðarnar jól og áramót 2025-26

Fri, 19 Dec 2025 13:34:46 GMT

Við ætlum að gefa starfsfólki Tryggja ehf frí 23. og 24 des

Þar sem fólkið okkar hefur unnið vel á árinu þarf að gefa frí til að sjá um heimilisstörfin. Við munum einnig vera lokuð 31. destember.

Opnunartími Tryggja í sumar 2025

smari@tryggja.is (Smári Rikarðsson) — Tue, 10 Jun 2025 15:31:44 GMT

Kæru viðskiptavinir

Við munum svara póstum og vera til staðar í sumar Við leggjum áherslu á þjónustu að hún verði veitt þegar hennar er óskað en þar sem viðskiptin eru þess eðlis að það er hægt að hagræða innan dagsins ætlum við að hafa opnunartíma milli 10 og 14 í sumar.

HMS hugmyndir um breytingar á vátryggingum byggingargalla

smari@tryggja.is (Smári Rikarðsson) — Wed, 21 May 2025 12:48:09 GMT

Þetta er í anda okkar hjá Tryggja ehf.,

Tryggja vill benda á umræðuna um vátryggingu mannvirkja við göllum.

Sjá h ttps://hms.is/frettir/hms-leggur-til-breytingar-a-kerfi-sem-virkar-ekki

Fasteignaviðskipti eru og verða ein stærstu viðskipti einstaklinga á lífsleiðinni.

Það þarf að nálgast þetta málefni með þeim hætti að þurrka upp þessa óvissu og ágreining sem verður við þessi viðskipti en miðað við það sem kom fram hjá HMS og þeirri umræðu sem spannst hjá þeim er augljóst að breyta þarf verklagi við þessi viðskipti.

Starfsmanni HMS var tíðrætt um að vátryggja þyrfti nýbyggingar og það til 10 ára af Danskri fyrirmynd. Ég reyndar tel líklegt að erfitt verði að fá vátryggingafélag til að samþykkja 10 ára ábyrgð en ég hef séð 5 ára ábyrgðir með ákvæði um framlengingu tímabilsins.

Ég get verði sammála að það þarf að setja slíkt upp enda bent á bæði innra og ytra eftirlit með framkvæmdum. Það þarf að tryggja að ef illa er að staðið á þessum byggingum þá beri þeim sem fúskar að greiða fyrir endurbætur. Sá sem kaupir þarf að vera fullviss að ekki sé pottur brotinn við bygginguna. Eftirlitið þarf að vera stöðugt og á byggingartímanum en ekki stöðuyfirlit þegar búið er að pakka fúski á bak við klæðningu eða slíkt. Eftirlit kæmi óhjákvæmilega á ef vátryggingafélag myndi setja upp einhverskonar kaskótryggingu með skilgreindum áhættum til að milda tjón ef verður.

Ég reyndar tel líklegt að erfitt verði að fá vátryggingafélag til að samþykkja 10 ára ábyrgð en ég hef séð 5 ára ábyrgðir með ákvæði um framlengingu tímabilsins.

Það er óskynsamlegt að ríkisvaldið fari í breytingar og skikki húsbyggjendur til að koma með vátryggingu á galla til handa kaupbendum húsnæðis ef vátryggingabransinn er ekki tilbúinn að skaffa slíka vöru. Slíkt gerðist í Ástralíu og var því framkvæmdin allt of flókin fyrir vikið.

Velskilgreindar áhættur er hægt að vátryggja og vátryggingareksturinn er alltaf að leita eftir slíku. Það á líka ekki að einblína á nýbyggingar eingöngu. Ef vátrygging á skilgreinda skaða utan bruna og húseigendatryggingar er sett á við sölur á húsnæði, verði einhverskonar hefð, þá eru þessi viðskipti í betra jafnvægi. Minni möguleiki á að tapa umtalsverðum peningum við uppgötvun á leyndum göllum og ekki hvað síst vátryggingafélögin fara að skoða þessi húsnæði með það að markmiði að þurfa ekki að greiða óþarfa tjón og þá lagast fúskið án opinberar íhlutunar.

Markaðurinn sér um þetta sjálfur. fh Tryggja

Smári Ríkarðsson

Við gefum starfsfólki frí til 8. ágúst.

smari@tryggja.is (Smári Rikarðsson) — Thu, 01 Aug 2024 13:26:05 GMT

Tryggja er lokað til fimmtudagsins 8. ágúst '24

Starfsfólk Tryggja ehf hefur unnið vel í vetur og vor og er því kominn tími til að taka smá frí frá vinnu. Við höfum því tekið lengri helgi en venjulega. Á þessum tíma verður starfsemin í lágmarki.

Tryggja vátryggir Landssamband Slökkviliðs og sjúkraflutningsmanna

Mon, 26 Apr 2021 13:18:16 GMT

Tryggja vátryggði á dögunum LSS hjá Lloyd‘s insurance company.
Þetta þýðir að allir slökkviliðsmenn og aðilar sem vinna eða sinna störfum á vegum slökkviliðs eru vátryggðir í slysum við störf.

Fyrir LSS skipti miklu máli sterkt bakland og hátt þjónustustig frá Tryggja.

Forvarnarfulltrúi Tryggja mun vera LSS til halds og trausts auk þess sem tjónadeild félagsins mun aðstoða félagsmenn komi til áfalls.

Það er ánægjulegt að sjá fleiri og fleiri fagfélög leita til okkar og við bjóðum LSS velkomna í viðskipti.

Hugbúnaður gerður af starfsmönnum Tryggja ehf notaður af erlendum vátryggingamiðlara við útgáfu vátrygginga.

Fri, 23 Apr 2021 13:05:20 GMT

Árið 2021 er tímamótaár fyrir Tryggja en vátryggingamiðlunin London Marine tekur kerfi Tryggja í notkun til að sinna sínum vátryggingamiðlunar rekstri.

Styrkur kerfisins er sá að það heldur utan um alla vátryggingastarfsemi. Jafnframt innifelur það samskiptakerfi sem gerir öllum sem að koma mögulegt að upplýsa um ástæður og annað sem við kemur útgáfu viðkomandi vátryggingar. Þannig getur sölumaður innt af hendi upplýsingaöflun og sett inn sína hlið á málinu og sá sem ábyrgð tekur á vátryggingarúgáfunni lesið og hugsanlega gert athugasemd.

London Marine er starfandi í samstarfi við vátryggingamiðlara út um allan heim en kerfið hentar vel fyrir slík verkefni þar sem iðgjaldaveltan er ekki að réttlæta kaup á stórum kerfum. Duncan Thomson eigandi London Marine gerir ráð fyrir að miðla um nokkrum þúsunda skírteina á næsta ári í umræddu verkefni. Um er að ræða vátryggingar á sportbáta í Karabíska hafinu.

Tekjumódel Tryggja af útleigu á miðlarakerfinu er fast á hvert útgefið skírteini. Við skulum því vona að þeir í Bretlandi standi við stóru orðin og selji hvað mest svo kerfið fái góðar tekjur.

Önnur vátryggingamiðlun mun stærri, hefur einnig verið í viðræðum við okkur um að taka kerfið upp fyrir ákveðna vátryggingu sem er í burðarliðnum á meginlandi Evrópu.

Tryggja hefur rekið sitt eigið hugbúnaðarhús núna í nær 8 ár. Mál þetta er mikil viðurkenning fyrir starfsemina.

Við styrkjum Björgunarsveitirnar

Thu, 22 Apr 2021 15:37:06 GMT

Í ár sem fyrr styrkir Tryggja Björgunarsveitir landsins.

Björgunarsveitir landsins gegna mikilvægum hlut í öryggi landsmanna þegar vá vofir yfir á sjó og landi.
Sveitirnar hafa sýnt sig og sannað og á tíðum bjargað miklum verðmætum og hagsmunum fyrir samfélagið.
Það er því Tryggja sönn ánægja að styrkja sveitirnar og hvetja þær áfram til dáða.

Á myndinni er Arna Diljá fyrir Björgunarsveitina, Perla nemi í leit og björgun og Baldvin Samúelsson f.h Tryggja

Breyting hjá Lloyd's vegna Brexit

Wed, 21 Apr 2021 13:01:23 GMT

Lloyd's is proposing to transfer certain EEA insurance policies to Lloyd's Brussels. The proposed transfer will not change terms and conditions of any policy, except that Lloyd's Brussels will become the insurer and Data Controller in respect of the transferred policies. Further information about the proposal (including whether it could affect your pre-transfer position), which policies are transferring, your rights and what you need to do can be found at https://www.lloyds.com/brexit-transfer

Tryggja er Fyrirtæki ársins 2020

Tue, 20 Apr 2021 13:00:03 GMT

Við erum afskaplega stolt að því að vera valið Fyrirtæki ársins 2020 hjá VR.

Starfsmannastefna félagsins er að öllum líði vel, finnist gaman að mæta til vinnu og starfsmenn hafi tilgang.

Eitt af því sem við leggjum mikla áherslu á er sjálfstæði og jafnrétti á vinnustað sem skilar sér svo í aukinni jákvæðni og sjálfstrausti til að skila af sér góðu verki.

Við erum afskaplega stolt og ánægð að tilheyra hópi góðra fyrirtækja sem láta starfsmanna anda og vellíðan skipta máli í dagleum rekstri.

tryggja

Sjúkratrygginga erlendis

Ríkið má ekki skilja veikt fólk eftir án verndar

﻿

Ríkið má ekki skilja veikt fólk eftir án verndar

Öryggisnetið hverfur

Vátrygging sem vátryggir ekki

Hundrað milljónir

Þýska leiðin

Hvernig fór þetta í gegn?

Opnunartími í sumar

Nýtum okkur netið

opnunartímar yfir hátíðarnar jól og áramót 2025-26

Við ætlum að gefa starfsfólki Tryggja ehf frí 23. og 24 des

Opnunartími Tryggja í sumar 2025

Kæru viðskiptavinir

HMS hugmyndir um breytingar á vátryggingum byggingargalla

Þetta er í anda okkar hjá Tryggja ehf.,

Við gefum starfsfólki frí til 8. ágúst.

Tryggja er lokað til fimmtudagsins 8. ágúst '24

Tryggja vátryggir Landssamband Slökkviliðs og sjúkraflutningsmanna

Hugbúnaður gerður af starfsmönnum Tryggja ehf notaður af erlendum vátryggingamiðlara við útgáfu vátrygginga.

Við styrkjum Björgunarsveitirnar

Breyting hjá Lloyd's vegna Brexit

Tryggja er Fyrirtæki ársins 2020